السلام عليكم ورحمة الله وبركاته انا والله ماودي اكتب هذي الرساله , لاني مااحب اتكلم عن نفسي لأي احد , لكن للاسف ضروري اكتب ، واملي بالله كبير ،، انا الحمدلله بنت سعوديه عمري 34 سنه ، مؤهلي التعليمي بكالوريوس ، ومن اهل الرياض , وموظفه مدة عشر سنوات في قطاع التمويل للمشاريع والشركات الصغيره والمتوسطه , والحمدلله متعلمه ومتربيه وبنت ناس واخاف الله قبل كل شي وعندي خبره في العمل , لكن للأسف ، فقدت وظيفتي من سنه , بسبب اقفال القسم الي كنت اشتغل فيه ، فـ اضطريت اقدم استقاله ، ومن يومها وانا ابحث عن عمل جديد ومالقيت الى الان , احتاج احد يساعدني بالبحث عن عمل في قطاع البنوك والشركات الماليه او الهيئات الحكوميه ، وال cv حقي جاهز ومشرف وسمعتي زي الورد الحمدلله ، ف احتاج وظيفه اسرع وقت ، انا اكبر اخواني ، وابوي كبير بالسن الله يحفظه مااقدر اعتمد عليه ،، وعندي مشكله ثانيه ان السيوله الي عندي خلصت ف احتاج قرض بمبلغ بسيط ( وارجعه بالفايده ) بعد مااتوظف ولكم كل الضمانات الي تشوفونها مناسبه .. قلت قرض وليس مساعده .. رجاءً الانتباه هذا موضوعي كامل ،، لكن ماراح اسامح اي احد يدخل علي من باب الاستغلال او المضايقه او بنيه شينه او كلام سخيف انا بنت ناس ومحترمه وماابي غير الي ذكرته فقط رجاءً الاحترام ثم الاحترام ثم الاحترام وهذا رقم جوالي للتواصل ( رقم الجوال يظهر في الخانة المخصصة ) وشكرا جزيلا مقدما لكل انسان يسعى انه يساعدني وبحاول ارد له هذي الخدمه مستقبلاً بكل شي اقدر عليه ان شاءالله .